"امیرِ اہلِ سنت کے 121 ارشادات زیرِ نظر رسالہ بانیِ دعوتِ اسلامی علامہ مولانا محمد الیاس عطار قادری دامت برکاتہم العالیہ کے منتخب فرامین اور مدنی پھولوں کا ایک خوبصورت مجموعہ ہے۔ رسالے ""امیرِ اہلِ سنت کے 121 ارشادات"" میں روزمرہ زندگی، معاشرتی اخلاقیات اور مذہبی اقدار کے حوالے سے نہایت قیمتی نصیحتیں شامل کی گئی ہیں اور حسبِ ضرورت احادیث اور اسلامی کتب کا حوالہ بھی پیش کیا گیا ہے۔ ان فرامین کے اہم نکات یہ ہیں: اخبارات کو صفائی کے لیے استعمال نہ کریں کیوںکہ اکثر و بیشتر ان میں مقدس تحریریں ہوتی ہیں، مسلمانوں پر بلاوجہ شک نہ کریں اور حسنِ ظن (اچھا گمان) رکھیں، جشنِ ولادت منانے سے محبتِ رسول ﷺ میں اضافہ ہوتا ہے، مذہبی کتابوں کی قیمت کو ""ہدیہ"" کہنا پسندیدہ ہے، بچوں کو اچھے کام پر حوصلہ افزائی کے لیے انعام دینا چاہیے، وغیرہ۔اس رسالے کا مقصد مسلمانوں کی اخلاقی تربیت اور ان کے دلوں میں عشقِ رسول ﷺ اُجاگر کرنا ہے۔ 14 صفحات پر مشتمل یہ مختصر رسالہ 2 رنگ کی پرنٹنگ کے ساتھ دستیاب ہے اور ہر عمر کے فرد کے لیے مفید ہے۔ "