"درخت لگائیے، ثواب کمائیے ماحول کی بہتری اور آئندہ نسلوں کے روشن مستقبل کے لیے درخت لگانا نہایت اہم عمل ہے۔ اسی اہم موضوع کو اُجاگر کرنے کے لیے امیرِ اہلِ سنت حضرت علامہ مولانا محمد الیاس عطار قادری دامت برکاتہم العالیہ کا تحریر کردہ یہ معلوماتی رسالہ “درخت لگائیے ثواب کمائیے” ایک بہترین رہنما ہے۔ اس رسالے میں درخت لگانے کے فضائل، شجر کاری کے سائنسی فوائد، اور معاشی و معاشرتی اثرات پیش کیے گئے ہیں۔ اس کے علاوہ شجر کاری مہم اور اس سے متعلق ضروری احتیاطی تدابیر بھی آسان اور عام فہم انداز میں بیان کی گئیں ہیں۔ یہ 24 صفحات پر مشتمل رسالہ نہ صرف دینی اعتبار سے شجر کاری کی ترغیب دیتا ہے بلکہ ماحول دوست طرزِ زندگی اپنانے کی عملی رہنمائی بھی فراہم کرتا ہے۔ یہ مفید رسالہ مکتبۃ المدینہ پر ایک رنگ کی پرنٹنگ میں دستیاب ہے۔ "