"اعلیٰ حضرت اور امیرِ اہلسنت: آیک متاثر کن تحریر ""اعلیٰ حضرت اور امیر اہلسنت"" اسلامک ریسرچ سینٹر (دعوت اسلامی ) کی جانب سے شائع کیا گیا 17 صفحات پر مشتمل رسالہ ہے، جس میں اعلیحضرت امام احمد رضا خان رحمۃ اللہ علیہ سے متعلق امیر اہلسنت مولانا الیاس عطار قادری دامت برکاتھم العالیہ کے خیالات تحریر کیےگئے ہیں۔ یہ رسالہ اعلیٰ حضرت کی حیات و سیرت کے منفرد پہلو پیش کرتا ہے اور یہ بتاتا ہے کہ آپ کی شخصیت کس طرح ان لوگوں کو بھی متاثر کرتی ہے جنہوں نے کبھی آپ کو دیکھا بھی نہ ہو۔ اس رسالے میں بتایا گیا ہے کہ امام اہلسنت کی شخصیت نے کس طرح امیر اہلسنت کو متاثر کیا اور ان کے اندر دینی جذبہ بیدار کیا ۔ اس رسالے میں اعلیٰ حضرت سے متعلق مختلف موضوعات درج ہیں، مثلاً: اعلیٰ حضرت کی پہچان کیسے ہوئی، اعلیحضرت پر آنکھیں بند کرنے سے امیر اہلسنت کی کیا مراد ہے، اعلیٰ حضرت کی شخصیت کا مطالعہ کرنے کے لیے کون سی کتاب بہترین ہے، وغیرہ۔ رسالہ ""اعلیٰ حضرت اور امیر اہلسنت"" میں سوشل میڈیا کے ذریعے بھیجے گئے سوالات کے امیر اہلسنت کی جانب سے جوابات بھی درج کیے گئے ہیں جو مختلف موقعوں پر لوگوں نے پوچھے۔ مثال کے طور پر اعلیٰ حضرت کا اتنا مقام و مرتبہ کیوں ہے، اور آپ کی محبت کیسے پیدا کی جائے، وغیرہ۔ اس رسالے کے ذریعے یہ جاننے کا موقع بھی ملے گا کہ کیسے اعلیٰ حضرت رحمۃ اللہ علیہ نے فقہی خدمات کے ذریعے امت کی رہنمائی کی ۔ایک رنگ کی واضح پرنٹنگ اور آسان پن بائنڈنگ کے ساتھ یہ رسالہ ان تمام لوگوں کے لیے ایک قیمتی تحفہ ہے جو اعلیٰ حضرت رحمۃ اللہ علیہ سے متاثر ہیں یا انکی شخصیت کے باری میں جاننا چاہتے ہیں۔ "