"امیرِ اہلسنت سے نام رکھنے کے حوالے سے سوال جواب مجلس المدینۃ العلمیۃ کا مرتب کردہ تحقیقی رسالہ ""امیرِ اہلِ سنت سے نام رکھنے کے بارے میں سوال جواب"" علامہ مولانا محمد الیاس عطار قادری دامت برکاتہم العالیہ کے ملفوظات پر مشتمل ہے۔ یہ رسالہ خاص طور پر والدین اور سرپرستوں کے لیے مرتب کیا گیا ہے تاکہ وہ اپنے بچوں کے لیے پیارے پیارے اسلامی ناموں کا انتخاب کر سکیں۔ اس رسالے میں اچھے اور منفرد نام رکھنے کے مسنون طریقے، ناموں کے اثرات اور ان سے متعلقہ شرعی احکام کو نہایت تفصیل سے بیان کیا گیا ہے۔ رسالہ ""امیرِ اہلسنت سے نام رکھنے کے حوالے سے سوال جواب"" میں مختلف موضوعات ہیں، مثلاً: رسول اللہﷺ کے غلام کی شان، عبدالجبار اور عبدالرحمن کو جبار و رحمن پکارنے کی شرعی حیثیت، اور بعض بزرگوں کے القابات جیسے 'بادشاہ' یا 'شہنشاہ' پکارنے کا حکم، وغیرہ۔ 17 صفحات پر مشتمل یہ رسالہ اچھے ناموں کی اہمیت کو واضح کرتا ہے اور غلط ناموں کی اصلاح کرتا ہے۔ تحریر نہایت سادہ زبان اور مستند حوالوں کے ساتھ ہے تاکہ ہر کوئی فائدہ حاصل کر سکے۔ 2 رنگ کی پرنٹنگ اور پن بائنڈنگ میں مکتبۃ المدینہ پر دستیاب ہے۔ "