"بڑھاپے میں یادِ خدا رسالہ ""بڑھاپے میں یاد خدا"" مجلس المدینۃ العلمیۃ کا مرتب کردہ اصلاحی اور معلوماتی رسالہ ہے۔ اس رسالے میں مختلف قرآنی آیات، احادیث و سیرتِ نبویﷺ، صحابہ و صالحین کی روایات اور حکایات کے ذریعے بڑھاپے کے بارے میں معلومات اور نصیحتیں شامل ہیں۔ اس اصلاحی رسالے میں شامل چند مضامین یہ ہیں: تنہائی میں رہنے والے بزرگ، عمر کے چار حصے، نقلی بوڑھا، سب سے پہلے سفید بال کس کے آئے؟ داڑھی مبارک کے سفید بال، آقا ﷺ کے سفید بال، اور دیگر مضامین۔ رسالہ ""بڑھاپے میں یادِ خدا"" ہمیں یہ سبق دیتا ہے کہ بڑھاپا ایک حقیقت ہے اور موت کی جانب ایک بڑا قدم ہے۔ اس کے لیے جوانی سے ہی تیاری کر لینی چاہیئے اور ایسے اعمال کرنے چاہئیں جن سے اللہ پاک خوش ہو۔ جوانی میں عبادت کرنے کی وجہ سے بڑھاپے میں بھی عبادت کرنا آسان ہو جائے گا۔ 17 صفحات پر مشتمل یہ رسالہ 2 رنگ کی پرنٹنگ اور پن بائنڈنگ کے ساتھ مکتبۃ المدینہ پر دستیاب ہے۔ "