سیلفی کے 30 عبرتناک واقعات رسالہ ""سیلفی کے 30 عبرتناک واقعات"" امیرِ اہل سنّت علامہ مولانا محمد الیاس عطار قادری دامت برکاتہم العالیہ نے نوجوانوں کی اصلاح کے لئے تحریر فرمایا ہے۔ یہ رسالہ 18 صفحات پر مشتمل ہے اور اس میں موجودہ دور کے ""سیلفی ٹرینڈ"" کے کچھ سبق آموز واقعات شامل کیے گئے ہیں اور بلا وجہ سیلفی لینے سے بچنے کی ترغیب دلائی گئی ہے۔ رسالے ""سیلفی کے 30عبرتناک واقعات"" میں شامل چند عنوانات یہ ہیں: جان بوجھ کر ہلاکت پر پیش ہونا حرام ہے، ’’وقت لیوا‘‘ شوق، سانپ کے ساتھ سیلفی مہنگی پڑی، تاج مَحَل کی سیڑھیوں سے گِر کر فوت ہوگیا، 17ویں منزل سے نیچے جاگری، سیلفی لیتے ہوئے پِستول چل گیا، کھلونا پستول کے ساتھ سیلفی موت کا سبب بنی، اور دیگر عنوانات۔ یہ اصلاحی رسالہ 1 رنگ کی پرنٹنگ اور پن بائنڈنگ میں مکتبۃ المدینہ پر دستیاب ہے۔ عبرت حاصل کرنے کے لئےخود بھی پڑھیں اور ثواب کی نیت سے لوگوں میں تقسیم کریں۔