"بزرگوں کے عقیدے: عقائد کی بنیادی درسی کتاب ہمارے نیک اور صالح بزرگوں کے حقیقی عقائد کیا تھے؟ اس سوال کا جواب حاصل کریں کتاب ""بزرگوں کے عقیدے"" میں۔ اس کتاب کو مفتی جلال الدین احمد امجدی نے تحریر کیا ہے جس میں اہم مذہبی عقائد کو آسان انداز میں پیش کیا ہے۔ گہری علمی تحقیق اور سادہ اندازِبیان کی وجہ سے کنزالمدارس بورڈ نے اس کتاب کو اپنے نصاب میں شامل کیا ہے تاکہ ہر مسلمان خاص طورپرطلبہ درست عقائد پر مضبوط بنیاد حاصل کر سکیں۔ بزرگوں کے عقیدے میں اُن عقائد پر روشنی ڈالی گئی ہے جنہیں آج کے دور میں غلط فہمی یا اعتراض کا نشانہ بنایا جاتا ہے، جس سے نوجوانوں کے ذہنوں میں شبہات پیدا ہوتے ہیں۔ اس کتاب میں علمِ غیب، حاضر و ناظر، وسیلہ، اور قبر کی زندگی جیسے اہم موضوعات کو تفصیل سے بیان کیا گیا ہے۔ اس کتاب میں مصنف نے مختلف مکاتبِ فکر اور جدید نظریات کے اعتراضات کے جوابات واضح دلائل کے ساتھ پیش کیے ہیں۔ یہ کتاب 268 صفحات پر مشتمل ہے اور ایک رنگ کی طباعت میں شائع ہوئی ہے۔ کتاب کی مضبوط بائنڈنگ اسے بار بار پڑھنے کے لیے کارآمد بناتی ہے۔ اس درسی کتاب میں مثالوں کے ذریعے عقائد کو سمجھایا گیا ہے۔ یہ کتاب خاص طور پر طلبہ کے نصاب کو ذہن میں رکھ کر ترتیب دی گئی ہے، اسی لیے اس کی تحریر ہر ایک با آسانی سمجھ سکتا ہے۔ بزرگوں کے عقیدے طلبہ سمیت ہر اُس شخص کے لیے مفید ہے جو اپنے بزرگوں کے درست عقائد کو سمجھنا چاہتا ہے۔"