"فیضانِ ریاض الصالحین جلد 1: احادیث نبویﷺ کی جامع اردو شرح اور بصیرت ریاض الصالحین، شیخ الاسلام الحافظ الامام محی الدین ابوزکریا یحیٰی بن شَرَف نَوَوِی عَلَیْہِ رَحْمَۃُ اللہِ الْقَوِی کا عالمی شہرت یافتہ حدیث کا مجموعہ ہے، جس کا اُردو ترجمہ المدینۃ العلیہ کے شعبہ فیضانِ حدیث نے ""فیضانِ ریاض الصالحین"" کے نام سے کیا ہے۔ کتاب ریاض الصا لحین میں نجات دلانے والے اعمال، مثلاً: اخلاص، صبر، ایثار، توبہ، بُرد باری، قناعت اور تقویٰ کا ذکر ہے اور ہلاکت میں ڈالنے والے کام، مثلاً: غیبت، جھوٹ، وغیرہ کا بھی بیان ہے۔کتاب فیضان ریاض الصالحین جلد 1 منتخب احادیث پر تفصیلی شرح اور بصیرت فراہم کرتی ہے۔اس کتاب کو 6 ابواب میں تقسیم کیا گیا ہے اور یہ کل 656 صفحات ہر مشتمل ہے۔ اس جلد میں اخلاص و نیت، توبہ و استغفار، صبر، صدق (سچائی)، تقویٰ، پرہیزگاری، اور دیگر اخلاقی پہلوؤں سے متعلق 73 احادیث بیان کی گئی ہیں اوران کی آسان انداز میں تشریح بھی کی گئی ہے۔ اس کتاب کو 1 رنگ کی پرنٹنگ اور مضبوط بائنڈنگ کے ساتھ شائع کیا گیا ہے، تاکہ لمبے عرصے تک محفوظ رہ سکے۔ فیضانِ ریاض الصالحین جلد 1 طلباء، علماء، اور ہر اس مسلمان کے لیے ایک لازمی کتاب ہے جو نبی اکرم ﷺ کے ارشادات کی روشنی میں اپنی زندگی گزارنا چاہتا ہے۔ یہ کتاب نہ صرف احادیث کو سمجھنے میں مدد دیتی ہے بلکہ ایک بہترین روحانی تجربہ بھی فراہم کرتی ہے۔"