"مکاشفۃ القلوب (ترجمہ): دلوں کی پاکیزگی کے لیے مفید نسخه ""مکاشفۃ القلوب"" پانچویں صدی ہجری کے مشہور و معروف اسلامی اسکالر، حجۃالسلام امام محمد بن محمد غزالی علیہ الرحمہ کی شاہکار کتاب ہے جو صدیوں سے مدرسوں اور اسلامک اکیڈمیز میں پڑھائی جا رہی ہے۔ زیر نظر کتاب اس عربی کلاسک کا سادہ اور آسان اُردو ترجمہ ہے، جسے استاذالعلماء مولانا تقدس علی خان نے مہارت سے ترتیب دیا ہے۔ جدید تقاضوں کو مد نظر رکھتے ہوئے، المدیۃ العلمیۃ، دعوتِ اسلامی نے ترجمے میں کہیں کہیں اضافہ یا الفاظ میں ردوبدل کیا ہے تاکہ پڑھنے والوں کو کسی قسم کی دشواری نہ ہو۔ ""مکاشفۃالقلوب مترجم"" 111 ابواب پر مشتمل ہے، جن میں خوف و خشیّت، خوفِ الٰہی، صبر و مرض، ریاضت و خواہشاتِ نفسانی، غفلت، توبہ، اطاعتِ الٰہی و محبت رسولﷺ، امانت، عداوتِ شیطان، غیبت، حقوقِ والدین، مذمت دنیا، وغیرہ قابل ذکر ہیں۔ ہر باب کو قرآنی آیات، احادیث مبارکہ، سبق آموز حکایات اور بزرگانِ دین کے اقوال کی مدد سے بیان کیا گیا ہے۔ انفرادی اصلاح ، اخلاق و کردار کی بہتری، اور نیک زندگی گزارنے کے لیے اس ایڈیشن کا مطالعہ بہت فائدہ مند ہے۔ 692 صفحات پر مشتمل اور مضبوط بائنڈنگ کے ساتھ، یہ کتاب مکتبۃ المدینہ پر دستیاب ہے۔"