"عیون الحکایات ۔ جلد 1: صحابہ و صالحین کی حکایات کا مجموعہ کتاب ''عیون الحکایات'' مشہور عالمِ دین امام ابو الفرج عبد الرحمن بن علی الجوزی علیہ الرحمۃ کی تحریر کردہ ایک تاریخی کتاب ہے۔ اس میں اسلامی تاریخ کی مشہور شخصیات، حکمرانوں، علماء، صلحاء اور مشاہیر کے حالات، حکایات اور واقعات نہایت دلکش انداز میں بیان کیے گئے ہیں۔ کتاب کا مقصد صحابۂ کرام رضوان اللہ علیھم اجمعین، تابعین، تبع تابعین اور اولیائےکرام رحمھم اللہ کی زندگیوں کو بطور مثال پیش کرنا اور ان کے ذریعے اخلاقی سبق دینا ہے۔ ان برگزیدہ ہستیوں کے واقعات پڑھنے والوں کو حکمت، دانائی اور صحیح طرزِ زندگی کی طرف رہنمائی فراہم کرتے ہیں۔ عیون الحکایات میں اخلاقی نصیحتیں، حکمرانوں کے فیصلے اور معاشرتی حکایات شامل ہیں جو آج بھی پڑھنے والوں کو حکمت و بصیرت فراہم کرتی ہیں۔ مجلس المدینۃ العلمیۃ (شعبہ تراجِم کتب) نے اس کتاب کا ترجمہ کیا اور تحریر کو موجودہ زمانے کے حساب سے با محاورہ اور آسان بنا کر پیش کیا ہے۔ زیرِ نظر کتاب اس سلسلے کی پہلی جلد ہے، جو 412 صفحات پر مشتمل ہے۔ کتاب ''عیون الحکایات ۔ جلد ۱'' میں 203 حکایات شامل کی گئی ہیں، جن میں حضرت ابوبکر صدیق، حضرت عمر فاروق، حضرت علی المرتضیٰ اور دیگر اصحاب رضوان اللہ علیھم اجمعین کی حکایات شامل ہیں۔ اس کتاب میں شامل چند حکایات یہ ہیں: قرآن اور نماز کا شیدائی، جنت کی خوشبو، عظیم ماں کے عظیم بیٹے، کنجوسی کا انجام، صحرا کی اونچی قبر، حسن و جمال کے پیکر، اور دیگر۔ عیون الحکایات حصہ اول 1 رنگ کی پرنٹنگ اور مضبوط بائنڈنگ میں دستیاب ہے۔ "