"کرونا وائرس اور دیگر وبائیں رسالہ ""کرونا وائرس اور دیگر وبائیں"" ایک معلوماتی رسالہ ہے جس میں مختلف وباؤں، مصیبتوں ، روحانی اور جسمانی امراض سے متعلق اسلامی تعلیمات اور ماہرینِ صحت کی تحقیقات پیش کی گئی ہیں۔ اس رسالے میں وائرس یا وباؤں کی وجوہات، علامات اور ان سے بچنے کے طریقے بھی بیان کیے گئے ہیں۔ مجلس المدینۃ العلمیہ کا مرتب کردہ یہ رسالہ چار ابواب پر مشتمل ہے جن کے تحت مختلف مضامین پیش کئے گئے ہیں۔ پہلا باب وائرس کی معلومات، دوسرا باب بیماریوں کی وجوہات و علامات، تیسرا ان وباؤں سے بچنے کے طریقے اور چوتھا باب ہمارے رویے سے متعلق ہے۔ رسالے میں شامل مضامین میں سے چند یہ ہیں: جب ماضی میں وبائیں آئیں، ہلاکت میں ڈالنے والے کام، کرونا وائرس سے کیسے بچا جائے؟ وظائف پڑھنے پر استقامت کیسے حاصل ہو؟ وبائی امراض اور ہمارے غلط رویے وغیرہ۔ یہ معلوماتی رسالہ 69 صفحات پر مشتمل ہے اور ایک رنگ کی پرنٹنگ میں مکتبۃ المدینہ پر دستیاب ہے۔ "